Elísabet í köben

Snjórinn var ekki lengi að koma sér héðan í burtu. Búnir að vera æðislegir dagar hérna í janúar og byrjun febrúar, trúi varla að janúar sé búinn, lokaprófin í sumar verða komin í næstu viku ef tíminn heldur áfram að fljúga svona áfram.
Kíkti í keilu um síðustu helgi, ætluðum að hafa skemmtilegt kósý kvöld nokkur saman sem endaði ekki betur en svo að okkur var hent út um 11 leytið og áttum enn klukkutíma eftir af leiknum! Ástæðan var að gæinn á þarnæsta bane var stunginn í lærið, slagsmálin eru semsagt ekki bara á skemmtistöðunum niðrí bæ. Áður en við vissum af var allt fullt af löggum og blóð útum allt og skýrslutaka og læti. (ok þetta var nú ekki alveg eins slæmt og þetta er lesið). Spurning um að fara að halda sig bara heima hjá sér. En þar sem janúar og febrúar eru með eindæmum leiðinlegir mánuðir er ég að reyna að gera eins mikið og ég get í því að skemmta mér um helgar (án áfengis að sjálfsögðu). Kíkti í þrítugs afmæli hjá kærasta frænku minnar, en hana hafði ég ekki séð í ca 10 ár ef ekki meir og hún býr í 15 mín frá mér. Fer nú kannski að sjá aðeins meira af henni, greyið hún losnar ekki við mig núna hahaha.
Svo eru tónleikar á Loppen 7 febrúar með Pétri Ben og að sjálfsögðu verð ég að mæta á þá þrátt fyrir að hafa ekki hlustað á tónlistina hans en hef bara heyrt góða hluti um hana samkvæmt tónlistargúrúunum mínum. Svo er það heimsókn til Århus um helgina ef ég fæ frí í vinnunni, annars er það vinna og djamm í malmö þannig að það er rosalega skemmtileg vika framundan hjá mér, vona að hún verði líka skemmtileg hjá þér

posted by Elísabet @ 21:26 Comments: 5